 |
रुपनाथ ब्रह्म
बिथाडा सासे हारिनि मानहोजाथाव सिबिजाथाव मावथिमोन। धोरोममिया आदबै गावनि आखायाव मावनो गोनां हाबाफोरखौ लेहेम खालामाजासे मावफुग्रामोन। बेफोर मोजां रोंग'थिखौ। बिफानिफ्राइनो बिथाडा मोनबोखादोंमोन। रुपनाथ ब्रह्मनि बिफाया सासे गोहो-गोरा गोजौ सोलोंथायनि सानसुमै, रां-खाउरि गोनां आरो धोरोमिया सुबुंमोन। बिफाया दंफांनि फालांगिखौ गार ' हाजो, खासिया हाजोनि नामदानि आरो बांला हादतनि धाका चहरसिम खालामहैनायमोन। जिगु जौथाइयाव सोरबा बर'आ माहाजोन होनबाथाय बियो लेखा गोरों आरो दंफांनि फालांगि खालामो होन्नानै गोजौ सारिनि बर'साफोरखौ आखाय हांखोआव
सान्नो हायोमोन। बेनि मादाव रुपनाथ ब्रह्मनि बिफायाबो सासे मुंदांखा बर'सा
हिसाबै सानजानायमोन।
जोनोम आरो उन्दै सम:
बर'नि गेदेमा रुपनाथ ब्रह्मआ क'कराझार चहरनि सानजाहा 1 % किःमिः जान्थायाव थानाय औवाबारि गामियाव इं 1902 मायथाइनि 15 जुन अक्ट' मंगलबार फुनि 4.30 बाजियाव जोनोम जायो। बिनि बिफानि मुडा धजेन्द्र ब्रह्म आरो बिमानि मुडा खोदोमश्री ब्रह्म। बे समाव बिसोरनि नखरा बाथौ सिबियारिमोन। कालिचरणनि ' ब्रह्म' धोरोम फोसावनायखौ उनाव नाजावनानै लायो। बे समनिफ्रायनो नागरी बिमुखौ सोलायनानै ब्रह्म लिरबोयो। रुपनाथ ब्रह्मनि बिफा धजेन्द्र ब्रह्मआ रां-खाउरि गोनां धोनिल ' नङा। बियो समाज फोसाबग्रा, गामिनि आसार-बिसार टुंग्राबोमोन। बिथांखौ मानसिफ्रा गिसे-मानिसेमोन। हाबा जानायनि बेसेबा गोबाव बोसोरनि उनावसो धजेन्द्र ब्रह्म आरो खोदोमश्री ब्रह्मआ सख्ल'-बख्ल ' गथ' फिसा रुपनाथ ब्रह्मखौ मोनो। इशोरनि खाथियाव गिग्रा धोरोमिया नखरखाय इशोरनि बोर मोन्नानै उजिफैदोंमोन रुपनाथ ब्रह्मआ।बिमा खोदोमश्रीया नाथाय बारा गोबाव थाउरिनानै थायाखिसै रुपनाथ ब्रह्मआ जेब्ला 8 अखाफोरनि गथसा जायो बे समावनो अनसुलि बिमा खोदोमश्रीया रुंसारि जायो। गोजोनग्लाय नखराव मादि सुनि-बानि इशोरनि माया। बिरि थैजानाने धजेन्द्र ब्रह्मआ गावनि रोहो रोहो नखर, दंफांनि फालांगि आरो अनजाल फिसा, बिसोरखौ लानानै सामब्लायनो गोब्राब जाबाय। बिनि मोजां राहा लामा लानो थाखाय सन्तश्री ' मुंनि सिख्लाखौ नैथि जुली लायो। बिमा बाथुल सन्तश्रीया, रुपनाथ ब्रह्मखौ असे फिसा बादि दाव-दाव जोथोन लानायमोन। रुपनाथ ब्रह्मआबो सन्तश्रीखौ बिमा असेबादि मानियोमोन। जेराव मोजां अनज्लायनाय दं बेवनो इशोरबो थायो। जेराव दुम-दाखाल दं बेव सिलिंखार सफैखायो। रुपनाथ ब्रह्मआ जोथोनजों खांजानायखाय इयुनआवबो मोजा बारग'लांबाय। गथ' समाव रुपनाथ ब्रह्मआ गामिनि गथसा लोगोफोरजों गेलेयो रंजायो। बेनि अनगायैबो लोगोफोरजों बेरे बासा खावनाय, ना ल फाइनाय, दाउथु बासा हान्नाय, आँखाम-ओंख्रि गेलेनाय, आमाय-जुमाय थाखुमालायनाय, है गुदु, खै-बिमा, दाउदै गेलेनाय, आइमोन-दायमोन, दारिया फान्था, बाथा आरो गिला खान्नाय। बेफोर गेलेनायाव रुपनाथ ब्रह्मआ खहाब बोनायमोन। बिथाडा गथ ' समनिफ्राइनो गेजेन नडै आखा-फाखा जाबोखादों।
सोलोंथायाव आवगायनाय:
ककराझार उस्च प्राइमारी फरायसालियाव फरायनानै इं 1913 मायथाइयाव बृथि लानानै जोबथा आनजादखौ उथ्रियो। धजेन्द्र ब्रह्मआ फिसाला रुपनाथखौ फरायनाय बेलायाव गोनों नोजोर लाखिबोदोंमोन। रुपनाथ ब्रह्मआ लेहेम खालामदोंब्लाथाय बिफा धजेन्द्र ब्रह्मआ साजाबो होनायमोन। गावबो मेलेम गोनांखा बेव बिफानि गोनों नोजोर मोनदेरबावनानै फरायनायखौ गाहामैनो उथ्रिलांबाय थाबोदों। बे समाव बेंगली रावनि बाहेरा इंराजी आरो असमीया रावयै फरायसालि गैयामोन। रुपनाथ ब्रह्मआ इं 1914 मायथाइयाव धुबुरी गोजौ फरायशालीयाव थाखो ड्रयाव फरायहैजेनो।ई 1920 मायथाइयाव जेब्ला गु थाखोयाव फरायो बे समावनो रुपनाथ ब्रह्मआ धाउलीगुरी कातिमल ब्रह्मनि फिसाजो दमयन्तीजों हाबा जायो। बे समाव बर' हारिआव मायनारी पास जानाय बर ' हिन्जावफ्रा साब्रैल मोन। जैरै दमयन्ती ब्रह्म, दाकेस्वरी ब्रह्म चौधुरी, रन्तेस्वरी ब्रह्म चौधुरी, आरो नलिनी बाला ब्रह्म बिथां आइजोमोनहानो गिबिमोन। दमयन्ती ब्रह्मआ नायनो समायना महर, गुनि-गियानिमोन। गावनि मोजां आखलजों रुपनाथ ब्रह्मनि नखरखौ साबस्रां होदों। हाबा खालामदों होन्नानै रुपनाथ ब्रह्मआ गावनि फरायनायखौ एसेबो फावसयाखै। बिथाडा ई 1921 मायथाझ्याव बृथि लानानै मेत्रिकखौ सेथि थाखोयाव उथ्रिनो हादों। बे बोसोरावनो गुवाहाटि कटन कलेजआव मुं थिस नो। कटन कलेजनिफ्राइ इं 1925 मायथाइयाव बि.ए. आनजादखौ उथ्रिनानै कलिकातानि इउनिभारसिटियाव एम.ए. आरो ल ' फरायहैयो। इं 1928 मायथाइयाव रुपनाथ ब्रह्मआ ल' आनजादखौ उथ्रियो। ट्राम गाड़िनिफ्राइ गोग्लैनानै गोबाव सम खष्टयाव थानांनानै एम.ए.खौ पास खालामनो हायाखिसै।
सानि आरो समाजनि हाबा मावनाय:
बिथाङा ल ' पास खालामखांनानै धुबुरी आदालदआव उकिल हाबा मावो। मोदोम गुढं सेंग्रा उकिलखौ मोन्नानै बयबो हार्सा-बर' बिथांखौ हमनायमोन। नाथाय रुपनाथ ब्रह्मआ अखालटिखौ बारा मोजां मोनाखैमोन। उकिलनि हाबाया नंगौखौ नंखाय, नंखायखौ नंगौ बुंनांनायखौ बिथाङा हामजायाखै। मकेलफोरनिफ्रायबो एसेल ' रां लानायमोन। बिथाडा इं 1928-37 मायथाइसिम आसामनि एम.एल.ए., मन्त्री जाजासिम अकालटि खालामदोंमोन। बिथाङा धुबुरीयाव थानाय समाव फरायसा समनिफ्राइनो हारिनि गाहाम सानखांनानै हाबा मावबोदों। धुबुरीयाव थानाय बर' फरायसाफ्रा गुरुदेव कालिचरण ब्रह्मनि बोसोन्थिजों हारि सिरि मोनखांहोनायनि हाबा मावनो जान्जि खाफ्राबोदों। बे समावनो रुपनाथ ब्रह्मआ सात्र सन्मिलनिनि ई 1922 निफ्राइ 1928 मायथाइसिम 6 बोसोर नेहाथारिनि बिबान रुजुनबोदों। लकेल बर्डनि सोद्रोमा जानाय समाव बिथाडा गोबां फरायसालि फसनानै होदों। मिथिरो. सुबुंफोरखौ लेखा फरायनो थुलुंगा होबोदों। गामियाव लामा दैखर बानायनानै होदों। बिथाडा गोरिबफोरखौ अन्नायमोन, आरो बिसोरनि राहाखौबो होनायमोन। हारि-दावगानो फसनाय बर' सात्र सन्मिलनि ' आरो' बर ' महासन्मिलनि'आव रुपनाथ ब्रह्मआ गोनों आखाइ दडमोन। बिथाडा खालि बर'फोरनिल' नडा, उन्दै गिदित बइबो हारिनि थाखायबो अनसेमामोन।
थुनलाइ सिबिनाय:
इं 1924 मायथाइ (बांला 1331 चननि 1 ला बैशाख) एप्रिल दानाव बिबार लायसिया अंखारजेनो। बे लाइसियावनो रुपनाथ ब्रह्मआ खन्थाइ, मेथाइ, रायथाह गुबुन गुबुन रावनि लिरबिदां लिरहरनायमोन। रुपनाथ ब्रह्मआ मदाराम ब्रह्मजों लोगोसे- ' खन्थाइ-मेथाइ' बिजाबखौ इं 1923 मायथाइयाव दिहुनो। बेफोर लिरबिदांफ्रा थुलुंगा होनाय बेसेन बह्रामोन। बर' जातिर चमु परिचय ' मुंनि बिजाबआ रुपनाथ ब्रह्मनि मोनसे गोनां सोर्जिनाय। बिथांनि लिरबिदाङा असमीया आरो बांला रावनि लाइसि आरो खौरांलाइयावबो ओंखारनायमोन। Bodo Literary club नि थुलुंगानाय ई 1952 मायथाझ्याव बर' साहित्य सन्मिलनि जथुम्मानि मेल बेखेवगिरि महरै बाहागो लाहैयो। इं 1962 मायथाइयाव गिबि मन्त्री बिमला प्रसाद सलिहाया बर ' रावखौ सोलोंथाय बिजोंनि नायबिजितनो रुपनाथ ब्रह्मखौ one man committee दानानै होयो। गमामायैनो रुपनाथ ब्रह्मआ बर' रावखौ जाफुनायनि बागै रिपर्ट गथायो आरो इं 1963 मायथाइनि 18 मेयाव बर ' रावया फराय बिजों महरै आसाम चरकारा गनायथि होयो।
राजखान्थिनि हाबा मावनाय:
इं 1936 मायथाइयाव बिथांनि बिफाया थैयो। अब्लाबो बिथांनि गोसोआ जेबो सोलाय-सोल' गैयामोन। रुपनाथ ब्रह्मनि समाव गासै आसामाव थानाय ट्राइबेलफोरनि मोनसे गौथुम दङमोन, बेखौनो ट्राइबेल लीग मुंख'नाय जायो। बे ट्राइबेल लीगनिनो बिथाङा इं 1937, 1945 आरो 1946 मायथाइयाव आफादनि आफादगिरि महरै बिबान सामलाय बोदोंमोन। इं 1936 मायथाइयाव बृटिस सरकारनि सासन फोसाब आइन मुडै ट्राइबेलनिफ्राइ uncontested M.L.A. सायख'नाय जायो। रुपनाथ ब्रह्मनि समाव गासै एम.एल.ए.आ दंमोन 108 सा। इं 1937 मायथाइनिफ्राइ थादनाय गैयै देरहानानै इं 1967 मायथाइसिम आसामनि केबिनेट मन्त्री जाबोदों। बिथाडा सार सादुल्ला मन्त्री आफादखौ हामजायाखै। मानोना सादुल्लाया मालाय जायगानि मानसिफोरखौ लाबोनानै आसाम आरो जनजाति ओन्सोलखौ सिलिंखार खालामनायनि लामा लाबायमोन। बे समावनो ट्राइबेल लीगआ कंग्रेस हान्जाखौ गोत्रों मदद होयासै। सादुल्लाया जेन्नानै, गोपिनाथ बरद'लैनि मन्त्री आफादआव 1938 मायथाइनि 19 सेप्तेम्बरनिफ्राइ बिथाडा बाहागो लायो। आसामनि मन्त्री बिबान सामब्लायनाय समावनो बिथांनि बिसि दमयन्ती ब्रह्मआ इं 1953 मायथाइयाव रुंसारि जायो। उनाव नख'र बेंनो सर्नमयी ब्रह्मखौ इं 1959 मायथाइयाव नैथि हिन्जाव महरै जुलि लायो। रुपनाथ ब्रह्मआ इं 1938 मायथाइनिफ्राइ 1967 मायथाइसिम आसामनि केबिनेट मन्त्रीखौ गुबुन गुबुन बिफानाव खंबोदों बिथाङा उनाव इं 1967 मायथाइयाव लक सभानि एम.पि. हिसाबै सायख ' जायो।लक सभा सेस'नआव खेबसेल' बिथाडा बाहागो लानो हादोंमोन।
रुंसारि जानाय:
रुपनाथ ब्रह्मआ बर'नि गेजेराव माखासे सिगांग्रो रेकर्ड गालांबाय। बिथाङानो बरनि गिबि बि.ए. पास, गिबि- ल ' पास। गिबि- उकिल, गिबि- बिधान सभानि सोद्रोमा। गिबि- केबिनेट मन्त्री जानानै गोबावसिन मावलांबाय। बर'नि गेजेराव गोजौ थाखोनि मालाय हारिफोरजों समानै आगान सुरनो खाबु मोन्नाया बिथालमोन। रुपनाथ ब्रह्मआई 1919 मायथाइयाव बर' सात्र सन्मिलनि 1 थि जथुम्माखौ ककराझाराव खुंब्ला जिरायनाय गैयै मावनानै जाफुहोनो हायो। बे समाव बिथाडा डाइन थाखोयावल ' फरायनायमोन।अब्ला बिथांखौ सानजायो। उन्दै बैसोनिफ्राइनो हारिखौ सिबिबोदों। बिथाङा ई 1968 मायथाइनि 23 जानुवारी बृहस्पतिबार अखानायसि 3-40 बाजियाव रुंसारि जायो आरो आसामनि बइनिबो गोजों अलंबारा अरायनि थाखाय गोमोरलांबाय। बिथाङा थैजासिम बुनो थाडोब्ला ल'क सभानि एम.पि. जानानै भारत खुंथायनि राजखान्थियाव आखाइ होनानै थैलांबाय।।